نماز فجر کا صبح کی برکتوں کےحصول میں کردار

نماز کے ذریعے سے مساٸل کا حل

نماز کے ذریعے سے مساٸل کا حل: حدیث کی کتاب ابو داٶدشریف  میں ہے کہ حضرت حذیفہ رضی اللہ عنہ سے مروی کہ کان رسول اللہ صلی اللہ علیہ وسلم اذا حزبہ امر فزع الی الصلوة کہ جب نبی کریم صلی اللہ علیہ وسلم کو کوٸی سخت کام پیش آتاتھا تو آپ فورا نماز کی طرف متوجہ ہو جاتے تھے قرآن مجید میں ارشاد باری تعالی ہے یایھا الذین آمنوا استعینوا با الصبر والصلوة ان اللہ مع الصا برین یعنی اے ایمان والو تم مدد حاصل کرو صبر اور نماز کے ساتھ بے شک اللہ صبر کرنے والوں کے ساےتھ ہے، نماز وہ اہم ترین عمل ہے جس کو بجا لا کر ہم اللہ کی مدد ونصرت سے براہ راست فاٸدہ اٹھا سکتے ہیں اور براہ راست اللہ کی مدد ونصرت حاصل کر سکتے ہیں اور نماز اللہ تعالی کی مددو نصرت حاصل کرنے کا وہ اہم ذریعہ ہے جس کے بارے میں اللہ تعالی نے خود بتایا ہے کہ تم نماز کےذریعے میری مدد ونصرت حاصل کر سکتے ہو، جب اللہ تعالی جل شانہ نے خود ہی یہ بات ارشاد فرمادی  ہے تو ہم پر لازم ہے کہ ہم نماز سےاللہ تعالی کی مدد حاصل ہونےپر یقین رکھیں اور اپنے ہر طرح کےجاٸز مساٸل کے حل کےلیےاورمقاصد کے حصول اور پریشانیوں سے چھٹکارے کے لیے پنج وقتہ نمازوں کی ہمیشہ پابندی کرتے رہیں

دین اسلام میں نماز کا مرتبہ اور اس کی قدروقیمت اور اس کے حکم کا بار بار اعادہ اور اس کا ھدیہ معراج ھونا

دین اسلام میں نمازکے مرتبے اور قدر وقیمت کا اندازہ اس بات سے لگایا جا سکتا ہے کہ اللہ تعالی جل شانہ نے اپنے احکامات میں سے جس حکم کا بار بار اعادہ کیا ہے اور جو حکم بار بار دیا ہے اور دیگر احکامات کےمقابلے میں جس کا حکم بہت زیادہ مرتبہ دیا ہے وہ نماز ہے ،قرآن مجید میں اقیموا الصلاة کے   واضح الفاظ کےذریعے٨٢مرتبہ نماز کا حکم دیا گیا ہے،سوچواگرہماراکوٸی ملازم یا ماتحت ہوجس کو ہم کسی کام کے کرنے کاکہیں کہ یہ کام کردواوروہ نہ کرے،ہم دوبارہ سہ بارہ کہیں پھر بھی وہ ہمارا حکم نہ بجا لاٸے تو یقینا ہمیں اس پر سخت غصہ آ ۓ گااور ہم اسے سزا دیں گے جس کا وہ مستحق ہو گا،بے نمازی بھی اسی وجہ سے سزا کا مستحق ہوتا ہے کہ وہ اللہ کے ایسے حکم کو بجا نہں لاتا جس کا اللہ تعالی نے ایک دوبار نہیں بلکہ ٨٢ مرتبہ واضح طور واقیمواالصلوہ فرما کرقرآن کریم میں حکم دیا ہے،شیطان مردود اسی وجہ سے ٹھہرا تھا کہ اس نے اللہ کے حکم سجدہ کی نافرمان کی تھی،اس نے تو ایک سجدہ کا انکار کیا تھا لیکن آج کا بے نمازی مسلمان عملا ہزاروں لاکھوں سجدوں کا انکار کر رہا ہےتو اس کا انجام کیا ہو گا ؟ اورعلاوہ ازیں نماز اس منفرد خصوصیت کی حامل بھی ہےکہ اس کا حکم آسمانوں پرملا ہے بخاری ومسلم شریف میں معراج کی حدیث میں ہے جس کا کچھ مفہوم یہ ہے کہ معراج کی رات میں نبی صل اللہ علیہ وسلم کی انبیإ کرام علیہم السلام سےملاقاتیں ہوٸیں،پھر آپ کو سدرة المنتھی پر لے جایا گیا اور آپکو جنت اور دوزخ دکھاٸی گٸیں اورآپ کو امت کی دنیوی اور اخروی فوزوفلاح کے لیے دن میں پچاس فر ض نمازوں کا ھدیہ دیا گیا ،واپسی پر حضرت موسی علیہ السلام پرگزر ہوا،نہوں نے پوچھاکہ اے محمد اللہ نےآپ کو کیادیا ہےفرمایا پچاس نمازیں عطافرماٸی ہیں،حضرت موسی علیہ السلام نے فرمایا کہ میں نے اپنی امت کوعبادت میں کمزورپایاہے اور آپکی امت بھی کمزور ہے ،آپ واپس اللہ تعالی کے پاس جاٸیں اور ان سے ان نمازوں میں تخفیف اور کمی کی درخواست کریں ورنہ آپ کی امت ان نمازوں کو ادا نہیں کر پا ۓ گی،چنانچہ آپ صل اللہ علیہ وسلم اپنی امت پر شفقت کی وجہ سے اور ان کے لیےآسانی کرنے کے لیے نو بار اللہ تعالی کے پاس نمازوں میں کمی کی درخواست کرنے کے لیے تشریف لے گۓ ،آپ کی درخواست کی وجہ سےہر بار پانچ پانچ نمازیں کم کی جاتی رہیں ،یہاں تک کہ پچاس میں سے صرف پانچ نمازیں باقی رہ گٸیں تو اللہ تعالی نے فرمایا اے پیارے حبیب اب یہ پانچ نمازیں آپکی امت پر فرض کردی گٸیں ہیں،آپ کی امت میں سے جوشخص ان پانچ نمازوں کواپنے وقت پر ان کے اہتمام اور خضوع کے ساتھ ادا کرے گا میں اسے پچاس نمازوں کا اجروثواب عطا کروں گا